Varianti i ri i koronavirusit, i quajtur Omicron, është shfaqur në më shumë se 60 vende të botës dhe përfaqëson një rrezik global “shumë të lartë” dhe ka disa prova që shmang mbrojtjen e ofruar nga vaksinat.

Në të njëjtën kohë, OBSH tregon se ka të dhëna të kufizuara në lidhje me ashpërsinë e këtij lloji, transmeton Reuters, transmeton portal arbresh.info

Rreziku i përgjithshëm i lidhur me variantin e ri dhe shqetësimet për omicron është ende shumë i lartë për një sërë arsyesh, tha OBSH në një deklaratë.

Në deklaratën e OBSH-së thuhet se ka shenja se njerëzit e vaksinuar dhe të infektuar më parë nuk do të prodhojnë mjaftueshëm antitrupa për infeksionin omicron, gjë që do të rezultojë në shkallë të lartë transmetimi dhe “pasoja të rënda”.

“Sidoqoftë, tani për tani, mbetet e paqartë nëse lloji i ri është më ngjitës se varianti dominues i deltës, gjë që do të nxiste përhapjen e mëtejshme të tij”, paralajmëron OBSH.

Duke konfirmuar vlerësimin e OBSH-së, studiuesit në Universitetin e Oksfordit publikuan sot një analizë laboratorike, e cila thotë se vaksinat me dy doza kundër Covid 19 nuk prodhojnë mjaftueshëm antitrupa neutralizues kundër omicron.

OBSH thotë gjithashtu se nevoiten shumë të dhëna për të kuptuar ashpërsinë e këtij lloji dhe pritet një rritje e numrit të shtrimeve në spital për shkak të rritjes së infeksionit, edhe pse llogaritet që të jetë potencialisht edhe më pak i rrezikshëm se delta./arbresh.info/