Shefi humanitar i OKB-së paralajmëroi se kolapsi ekonomik i Afganistanit “po ndodh para syve tanë” dhe i kërkoi komunitetit ndërkombëtar të ndërmarrë veprime për të ndaluar “rënia e lirë” përpara se të çojë në më shumë vdekje.

Martin Griffiths në një intervistë për Assosiated Press tha se vendet donator duhet të bien dakord për përpos ndihmës humanitare, ata duhet të mbështesin edhe shërbimet bazë për popullin afgan, duke përfshirë arsimin, spitalet, energjinë elektrike dhe nënpunësit civilë, transmeton portal arbresh.info

“Ne po shohim një kolaps ekonomik që po ndodh para syve tanë”, tha ai.

Griffiths tha se çështja e likuiditetit duhet të zgjidhet deri në fund të vitit dhe paratë duhet të derdhen për punonjësit e shërbimit të linjës së parë gjatë dimrit, duke shtuar se ai duhej të rishikonte pikëpamjen e tij të mëparshme se Afganistani mund ta kalonte dimrin me ndihmën e pastër humanitare sepse të përkeqësimit të situatës ekonomike.

Ai ka theksuar se 4 milionë fëmijë janë jashtë shkollës tani dhe 9 milionë të tjerë do të jenë së shpejti të pashkollë dhe sipas tij arsyeja është se mësuesit nuk janë paguar që nga muaji gusht.

“Dhe nëse nuk e bëjmë këtë të ndodhë, i gjithë ai diskutim rreth të drejtës së grave dhe vajzave që shkojnë në shkollë bëhet akademik,” tha ai.

“Pra, mesazhi im sot është një thirrje zgjimi për pasojat humanitare të një kolapsi ekonomik dhe nevojën për të ndërmarrë veprime urgjente,” tha Griffiths.

Talebanët kanë marrë nën kontroll Afganistanin, përderisa forcat e SHBA-ve dhe NATO po bëheshin gati që të tërhiqeshin nga vendi. Forcat talebane hynë në Kabul më 15 gusht pa asnjë rezistencë nga ushtria afgane apo presidenti i vendit, Ashraf Ghani, i cili u largua. Talebanët fillimisht premtuan tolerancë dhe gjithëpërfshirje ndaj grave dhe pakicave etnike, por veprimet e tyre deri më tani, duke përfshirë kufizimet e reja ndaj grave dhe emërimin e një qeverie vetëm mashkullore, janë pritur me shqetësim nga komuniteti ndërkombëtar.

Ekonomia e Afganistanit e varur nga ndihma u hodh gjithashtu në trazira të thella pas marrjes së pushtetit nga Talibanët. Rezervat prej 9 miliardë dollarësh të bankës qendrore të Afganistanit, shumica e të cilave mbahen në Shtetet e Bashkuara, u ngrinë dhe Fondi Monetar Ndërkombëtar bllokoi rreth 450 milionë dollarë për shkak të “mungesës së qartësisë” për një qeveri të re, transmeton portal arbresh.info

Talebanët kanë ndaluar të gjitha transaksionet në valutë të huaj dhe i kanë kërkuar SHBA-ve që të lehtësojë sanksionet dhe të lirojë asetet e Afganistanit jashtë shtetit, në mënyrë që qeveria të jetë në gjendje të paguajë mësuesit, mjekët dhe punonjësit e tjerë të sektorit publik.

Griffiths tha se Banka Botërore, Kombet e Bashkuara dhe qeveria e SHBA po bëjnë “një përpjekje të madhe” për të trajtuar krizën e likuiditetit. Ai tha se do të shkojë në Uashington më 21 dhjetor për t’u takuar me Sekretarin e Shtetit të SHBA Antony Blinken për të diskutuar mbi ekonominë në kolaps të Afganistanit.

“Deri në fund të vitit, unë do të doja të shihja fillimet e likuiditetit të zvogëlohen si problem,” tha ai./arbresh.info/