Pacolli: Disa premtime që i ka dhënë Rama janë të paimplementueshme

00:35 | 8 Dhjetor 2021
Trina Galanxhi

Selim Pacolli, ish-nënkryetar i Prishtinës, ka thënë për Edicionin Special, se disa nga projektet e kryetarit të tanishëm, Përparim Rama, nuk mund të implementohen pasi, sipas tij, janë projekte gjigante që u duhet shumë kohë.

“Ndërtimin e një miniliqeni ku është stadiumi, për një mandat është e pamundur të shndërrohet ky megaprojekt”, ka thënë ai.

Ai, ndër të tjera, tha se i uron punë të mbarë Ramës dhe shpreson që shumica e premtimeve të dhëna nga ai të implemetohen por që është skeptik për këtë gjë.

“Sot kemi dorëzuar mandatin te zotëri Rama dhe i uroj punë të mbarë në këtë mandat dhe së paku shumica e premtimeve që janë dhënë në programin e tij, të implementohen, meqenëse unë në këtë rast jam pak skeptik, mirëpo t’u pasë parasysh se ato që i kemi pa, që i kemi përcjellë dhe që janë shfletu në opinion janë që kanë komplikime ligjore”, ka vazhduar ai.

Shpërndaje në rrjete sociale

Lajmet më të lexuara

Të ngjashme

Foto lajm