Tensionet mes Rusisë dhe Ukrainës e SHBA-së, vijojnë të jetën të larta, me palët që akuzojnë njëra-tjetrën se nuk pranojnë dialogun dhe janë gati për të ndërhyrë ushtarakisht.
Sot (e enjte), ministri i Jashtëm i Rusisë, Sergey Lavrov, u shpreh se “stabiliteti strategjik” po shembet me shpejtësi, ndërsa ngriti shqetësimin se raketa amerikane me rreze të mesme veprimi do të vendosen së shpejti në Evropë, shkruan Reuters transmeton arbresh.info
“NATO po refuzon të shqyrtojë në mënyrë konstruktive propozimet tona për të ulur tensionet dhe për të parandaluar incidente të rrezikshme. Kundër kësaj, Aleanca po afron pranë kufirit me Rusinë infrastrukturën e saj ushtarake. Një skenar makthi, një përplasje e mundshme ushtarake po kthehet”, u shpreh Lavrov në takimin e Këshillit Ministror të OSBE-së.
Një ditë më parë, Moska nisi stërvitjen me trupa dhe armatime të rënda në kufi me Ukrainën. Sipas autoriteteve ruse, kjo është një stërvitje e rregullt që zhvillohet çdo vit në këtë periudhë, në rajonet e jugut, në kufi me Ukrainën. Në të, po marrin pjesë më shumë se 10 mijë trupa, të zhvendosur në të gjithë zonën.
Një ditë pas akuzave nga NATO, Rusia nis stërvitjen me 10 mijë trupa në kufi me Ukrainën.
Prej disa javësh, zyrtarët amerikanë, NATO dhe Ukraina kanë ngritur alarmin për një sulm të ri të Rusisë në Ukrainë, duke e cilësuar aktivitetin ushtarak të saj në kufi si të pazakontë.
Ndërsa Rusia i ka hedhur poshtë këto pretendime. /arbresh.info/
Osmani nderon Walkerin me Urdhrin e Lirisë & Pavarësisë
“Kurti u pajtua me skandalet dhe dështimet e ministrave të t...
Kthehen mbrapsht emigrantët, mbërrin në Shëngjin anija itali...
Kroos tregon tre lojtarët që e meritojnë ta fitojnë Topin e ...
Izraeli do ta ketë të pamundur ta eliminojë, kush mund të je...
Këta janë banorët që u bënë pjesë e Big Brother Vip Kosova 3