Shefi ekzekutiv i Milanit, Ivan Gazidis shpjegon se si Serie A mund të rikthehet në krye dhe ofron përditësime për stadiumin e ri të Milanit: ‘Kemi kaluar në një fazë të re’.

‘Seria A është një ligë që ka qenë në rënie për një kohë, gjë që është për të ardhur keq, sepse kur u rrita në vitet ’90, kjo ishte liga për të ndjekur. Aty ishin të gjithë yjet’, tha Gazidis për ‘The Athletic’.

‘Unë mendoj se ka pasur një farë çorganizimi, mungesë koordinimi në nivel ekipi, në nivel lige, për të ndjekur realisht rritjen e marrëveshjeve për të drejtat e medias që ligat e tjera kanë qenë në gjendje të ndjekin me sukses.

‘Nuk mendoj se diçka e tillë është e pamundur të rikthehet. Mendoj se kërkon profesionalizimin e ligës, gjë që mendoj se po ndodh ngadalë nga investitorët e jashtëm që vijnë dhe blejnë ekipe – njerëz që janë të sofistikuar, profesionistë, etikë dhe që duan të shohin një kthim nga investimi.’

Ish-drejtori i Arsenalit dha përditësime për stadiumin e ri të Milanit, i cili nuk do të jetë gati para vitit 2027.

‘Gjithmonë ka opinione individuale, por ajo që do të thoja është se pengesa kryesore është kapërcyer,’ tha ai.

‘Tani kalojmë në një fazë të re të projektit të stadiumit që janë vizatimet dhe planet e detajuara të ndërtimit. Kjo kërkon kohë me arkitektët për t’u përgatitur për vetë ndërtimin, dhe ne jemi tani në këtë. Është një hap shumë dramatik dhe domethënës përpara’, ka përfunduar Gazidis./Arbresh.info