Google ADS

Kujdestarja e klasës mes lotësh përshkruan nxënësen e saj që u vra sonte

23:58 | 26 Nëntor 2021
L G

Kujdestarja e njërës nga viktimat e sulmit të armatosur sonte në Gllogjan të Deçanit, ka folur për nxënësen e saj, e cila humbi jetën nga ky sulm.

Profesoresha e gjimnazit “Hysni Zajmi, Merita Cula për klankosova tha se ajo ka qenë nxënëse e shkëlqyer.

“Ka qenë nxënëse e shkëlqyer”, kështu është shprehur, Cula, duke përshkruar nxënësen e saj që u vra në Gllogjan.

“Që tre vjet jam kujdestare e saj, mungesa nuk ka pasur. Në orën 18:00 e kanë pasur autobusin për në shtëpi, por sonte nuk arriti që të shkonte”, ka thënë ajo mes lotësh.

Ndryshe, rreth orës 20:30 në fshatin Gllogjan të Deçanit është sulmuar me armë zjarri autobusi që po vinte nga Gjakova për Deçan. Deri tash është raportuar për tre të vdekur dhe një të plagosur.

Të plagosurit janë dërguar menjëherë në Spitalin e Pejës. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm