Prokuroria Themelore në Gjakovë, Departamenti për Krime të Rënda, ka ngritur aktakzuë ndaj G. K nga fshati Bërnjak, Komuna e Rahovecit nën dyshimin se i njëjti ka privuar nga jeta vëllain e tij, B.K.

Sipas Prokurorisë Themelore në Gjakovë, rasti i rëndë kishte ndodhur në shkurt të vitti 2020, ku tashmë i akuzuari i kishte shkuar në shtëpi vëllait të tij, tashmë i ndjerë dhe e kishte qëlluar për vdekje, shkruan arbresh.info.

“Prokuroria Themelore në Gjakovë, Departamenti për Krime të Rënda ka ngritur aktakuzë kundër të pandehurit G.K., për shkak të veprave penale “Vrasje e rëndë”, dhe, “Mbajtja në pronësi, kontrollë ose posedim të paautorizuar të armëve”. Sipas aktakuzës, më 11 shkurt 2020, në fshatin Bërnjak, Komuna e Rahovecit, pikërisht në shtëpinë e tani të ndjerit, me qëllim të përfitimit të dobisë pasurore, me dashje ka privuar nga jeta vëllain e tij, B. K”, thuhet në njoftim.I pandehuri, sipas prokurorisë, paraprakisht kishte njohuri se vëllai, kishte një shumë të konsiderueshme të parave të cilat i kishte marrë me vete nga shteti i Zvicrës, dhe ditën kritike rreth orës 09:00 i pandehuri kishte shkuar në shtëpinë e tij, ku gjatë një bisede të përbashkët, i pandehuri ishte fyer nga tani i ndjeri me pretekst se po i ndërhynë në familjen e tij.

“I revoltuar nga kjo i pandehuri kthehet në shtëpinë e tij, merr revolen, ku rreth orës 11:00 përsëri shkon në shtëpinë e të ndjerit B.K, hynë brenda në shtëpi, dhe në sallon, ku po qëndronte i njëjti, e ka goditur me predha në gjoks duke e lënë të vdekur në vend,” thuhet në njoftim.

I akuzuari kishte marrë kufomën e vëllait të vrarë dhe e kishte djegur, duke tentuar të zhduk gjurmët e vrasjes, shkruan arbresh.info.

“Më pas i pandehuri e merr kufomën, dukë e tërhequr zvarrë me një batanije, e qet në oborr të shtëpisë, më pas kufomën e mbulon me materiale të ndryshme si: dru, plastika, thasë letre, dërrasa, letër të zezë, e gjëra tjera, të cilat më pas i ndez duke krijuar një zjarr të madh i cili qëndron i ndezur 2-3 ditë, dhe më pas mbeturinat se bashku me disa mbetje kockore të tani të ndjerit i hedh jashtë shtëpisë në një vend deri tani të pa identifikuar më qëllim për ti zhdukur gjurmët e krimit”.

Me këto veprime, sipas prokurorisë, i pandehuri ka kryer veprën penale “Vrasje e rëndë”.

Po ashtu, i dyshuari më parë e deri më 11 shkurt 2021, pa autorizim ka poseduar armë dhe municion, në kundërshtim me ligjin e zbatueshëm lidhur me armët, në Republikën e Kosovës.

Me këto veprime i pandehuri ka kryer veprën penale “Mbajtja në pronësi, kontrolle ose posedim të paautorizuar të armëve”.

Prokurori i rastit i ka propozuar Gjykatës kompetente, që i pandehuri G.K., të shpallet fajtor dhe të dënohet sipas ligjit për veprat penale të cilat i vihen në barrë./arbresh.info/