Kina akuzon SHBA-në për ‘gabim’ pasi Biden ftoi Tajvanin në Samitin për Demokraci

13:19 | 24 Nëntor 2021
A. B.

Kina ka akuzuar presidentin amerikan Joe Biden, për “një gabim” në ftesën e Tajvanit për të marrë pjesë në një samit të demokracisë.

Tajvani u përfshi në listën e pjesëmarrësve për Samitin për Demokraci që do të mbahet muajin e ardhshëm, listë kjo e cila u publikua të martën nga Departamenti i Shtetit. Tajvani është një demokraci dhe vend vetë-qeverisës, por Pekini pretendon se është një provincë e Kinës, shkruan “The Guardian” transmeton arbresh.info

Zëdhënësja e Zyrës së Çështjeve të Tajvanit në Kinë, Zhu Fenglian tha se përfshirja e Tajvanit ishte “një gabim” dhe Pekini kundërshtoi “çdo ndërveprim zyrtar midis SHBA-së dhe rajonit të Tajvanit të Kinës”.

“Ky qëndrim është i qartë. Ne i bëjmë thirrje SHBA-së që t’i përmbahet parimit ‘një Kinë’ dhe tre komunikatave të përbashkëta”, tha ajo. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm