Kuvendi i Kosovës ka mbyllur u punimet e seancës së sotme, pasi nuk kishte kuorum të mjaftueshëm për të miratuar disa raporte.

Në mungesë të kuorumit nuk u miratua as raporti financiar të buxhetit të Kosovës për vitin 2020, pasi në sallë ishin 66 deputetë por që jo të gjithë morën pjesë në votim.

Në votimin që u mbajt, pesë deputetë ishin pro këtij raporti, 55 ishin kundër ndërsa gjashtë të tjerë të pranishëm nuk morën pjesë në votim.

Kryetari i Kuvendit, Glauk Konjufca tha këtë pikë të rendit të ditës do ta shtyjnë në seancën e radhës që do të mbahet nesër më fillim nga ora 14:00.

Pikat e ditës që do të shqyrtohen

29. Shqyrtimi i Raportit vjetor të Autoritetit të Aviacionit Civil të Kosovës për vitin 2020,

30. Shqyrtimi i Raportit vjetor të Ndërmarrjes Publike Operatori i Sistemit, Transmisionit dhe Tregut – KOSTT Sha.a. për vitin 2020,

31. Shqyrtimi i Propozim-vendimit të Qeverisë për miratimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “KOSMONTE FOODS” Sh.P.K,

32. Emërimi i kryetarit dhe katër (4) anëtarëve të Bordit të Organin Shqyrtues të Prokurimit,

33. Emërimi i anëtarëve të Këshillit Kombëtar të Shkencës,

34. Formimi i Komisionit Ad-hoc për përzgjedhjen e kandidatëve për tre (3) anëtarë të Komisionit të Pavarur të Mediave (prej tyre dy (2) nga radhët e komunitetit shqiptar dhe një (1) nga radhët e komuniteteve jo shumicë),

35. Përzgjedhja e kandidatëve për anëtarë jo-ekzekutiv të Bordit të Bankës Qendrore të Republikës së Kosovës,

36. Zgjedhja e anëtarëve të Bordit të Komisionit të Pavarur për Miniera dhe Minerale. /arbresh.info/