Google ADS

Gjilani – Drita: Kaq bileta pritet të jenë në dispozicion për tifozët

14:38 | 22 Nëntor 2021
Lorik Gerbeshi

Kanë mbetur edhe dy ditë deri në ditën kur do të zhvillohet derbi më i madh i futbollit kosovar ndërmjet Gjilanit dhe Dritës.

Dy rivalët e përbetuar lokal do të sfidohen në kuadër të javës së 15-të kampionale të Superligës së Kosovës në futboll.

Ndonëse në kushte aspak të mira, stadiumi i qytetit në Gjilan do të jetë arena e duelit të zjarrtë që pritet të sjellë spektakël në fushë dhe tribuna.

Në derbin e dytë të këtij edicioni, SC Gjilani është në epitetin e vendasit, gjë që e obligon të bëj organizimin e ndeshjes.

“demokracia.com” nga burime pranë klubit ‘kuqebardhë’ mëson se 30 për qind e kapacitetit të stadiumit do të jetë e lejushme për tifozë.

1200 bileta do të jenë në dispozicion për tifozët që kanë fatin të përcjellin nga afër derbin gjilanas.

Siç mëson gazeta, numri i tifozëve të Dritës, të cilët janë në cilësinë e mysafirëve këtë sfidë, pritet të jetë i limituar.

Derbi Gjilani – Drita do të zhvillohet të mërkurën nga ora 13:00./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm