Google ADS

17 persona humbin jetën në Indi si pasoj e reshjeve të shiut

21:00 | 20 Nëntor 2021
V. S.

Të paktën 17 persona kanë vdekur dhe disa të tjerë janë raportuar të zhdukur në shtetin jugor të Indisë, Andhra Pradesh, pas disa ditësh shirash të dendur, thanë autoritetet të shtunën.

Sipas AP News, shteti është goditur nga rrëke të forta që nga e enjtja, duke shkaktuar përmbytje masive në të paktën pesë rrethe.

Numri i të vdekurve u rrit në 17 të premten vonë pasi tre persona u vranë kur një ndërtesë u shemb, tha policia. Dhjetë persona të bllokuar nën rrënojat u shpëtuan, por dy janë ende të zhdukur.

Më herët të premten, të paktën disa persona humbën jetën pasi përmbytjet e mëdha vërshuan autobusin në të cilin ndodheshin. Përpjekjet e kërkim-shpëtimit për pasagjerët e humbur vazhduan të shtunën.

Vdekje nga rrethe të ndryshme janë raportuar gjatë ditëve të fundit, me zyrtarët që paralajmëruan se shifra mund të rritet ndërsa operacionet e shpëtimit vazhdojnë.

Shpërndaje në rrjete sociale

Lajmet më të lexuara

Të ngjashme

Foto lajm