Standardet e bukurisë kanë ndryshuar gjatë shekujve, por rëndësia e saj nuk shuhet asnjëherë.

Çdo person që pyesni do të jetë në gjendje t’ju japë një përgjigje të ndryshme për arsyet pse bukuria është e rëndësishme për të, transmeton portal arbresh.info

Përshkrimi i tipareve të bukura gjithashtu ndryshon nga personi në person, por një gjë e dimë me siguri – ne të gjithë i duam ato.

Kjo është arsyeja pse miliona njerëz ndjekin për t’iu përshtatur këtyre standardeve dhe pse fuqia e bukurisë nuk do të përfundojë së shpejti.

Arsyet kryesore që kanë të bëjnë fiksimin e shoqërisë pas bukurisë janë:

Jemi rritur kështu

Që në momentin që lind një vajzë, ne blejmë rroba dhe gjëra që e bëjnë atë të duket bukur. Çdo ditëlindje ka një fustan të ri që duhet të mahnisë të gjithë të ftuarit.

Në anën tjetër, djemtë duhet të kenë një prerje flokësh të bukur dhe rroba të përshatshme me të cilat duhet t’i tregojnë botës se ai kujdeset për të qenë sa më i bukur. Kështu edhe fillon rëndësia që i japim bukurisë.

Bëhet fjalë edhe për filmat vizatimorë që shikojnë fëmijët. Filmat vizatimorë tregojnë princeshat e bukura me rrobat më të bukura që takohen me dashurinë e jetës së tyre, në mënyrë që të “jetojnë të lumtura përgjithmonë”.

Ne besojmë se njerëzit e bukur janë të mirë sepse çdo vajzë e bukur nga përrallat vuan padrejtësi nga dikush i shëmtuar. Prindërit tanë nuk i lexojnë këto përralla për të na rënduar në jetë, por ata janë këtu për aq kohë sa nuk mendojmë më për kuptimin e tyre. Megjithatë, nëse e gërvishtni sipërfaqen, do të kuptoni se ku nisën bindjet tuaja për bukurinë.

Vitet e shkollës

Fëmijët në shkollë mund të jenë mizorë në shumë mënyra. Shohim se si vajzat e bukura marrin dhurata, marrin ftesa për të gjitha festat, ndërsa vajzat që nuk i përshtaten standardeve imagjinare qëndrojnë në shtëpi dhe kalojnë lloj-lloj telashe për shkak të pamjes së tyre.

Kjo është edhe përpjekja më e madhe për t’u dukur bukur, transmeton portal arbresh.info

Kjo është kur ne në fakt fillojmë të ndërtojmë një imazh për veten tonë dhe kur vërejmë se sa mirë ndihet kur dikush na bën një kompliment për mënyrën se si dukemi. Papritur, në një moment kuptojmë se ndihemi të pasigurt pa grim, ose të pa krehur.

Mediat sociale

Sapo të hapni mediat sociale, do t’ju shfaqen disa vajza që nuk kanë asnjë të metë. Ato tregojnë dhëmbët e përsorur, janë të lumtura dhe bëjnë jetë për lakmi.

Ne kalojmë aq shumë kohë në internet saqë truri ynë nuk mund të përpunojë informacionin që na vjen kaq shpejt.

Këtu edhe fillon “lufta” tjetër për t’u dukur bukur.

Dhe për të kaluar këtë “mërzitje”, ne nuk bëjmë asgjë më shumë se blejmë gjëra, që ndoshta edhe nuk na duhen.

Me popullaritetin e mediave sociale, standardet e bukurisë janë rritur aq shumë sa ne thjesht nuk mund të vazhdojmë. Gratë që fillojnë të besojnë në këtë gënjeshtër fillojnë të ndihen të dëshpëruara në momentet kur kanë nevojë për mbështetje në vend që të shohin njerëz të lumtur që duken të bukur.

Bukuria është hipnotizuese

Askush nuk mund ta mohojë faktin që dikush ka tipare shumë të bukura, është aq hipnotik sa mund ta shikojmë gjithë ditën. Vetëm shikoni aktorët.

Për një kohë të gjatë, Angelina Jolie dhe Brad Pitt konsideroheshin si njerëzit më të bukur në botë. Vetëm shikimi i tyre na bën të ndihemi mirë. Ata kanë karizëm dhe janë shumë të kuruar.

Kate Moss ishte një nga modelet më të suksesshme në botë dhe tiparet e saj unike e bënë të famshme në mbarë botën. Së bashku me modelet e tjera, ajo ndryshoi mënyrën se si funksiononte industria dhe mënyrën se si gratë në mbarë botën donin të dukeshin.

Naomi Campbell ishte më e famshme për pasarelat e saj, por fytyra e saj është aq tërheqëse sa do të mund t’i shiste çdo gjë kujtdo. Sytë e saj duken kaq magjepsës dhe ato buzët e plota janë të vështira për t’u humbur.

Megjithatë, të gjithë këta kanë më shumë se vetëm bukurinë e jashtme, por kjo është dytësore për syrin tonë. Fakti që në i shikojmë ato na bën të ndihemi mirë, prandaj edhe “vrapojmë” të dukemi bukur, sepse kjo na bën të ndjehemi mirë, por në fakt, këtu është edhe thelbi i industrisë.

Bukuria e brendshme

Njerëzit që punojnë në spiritualitetin e kuptojnë rëndësinë e të ushqyerit të bukurisë së brendshme, si dhe të ushqyerjes së guaskës së jashtme. Është thelbi i personalitetit tonë dhe ajo që në fakt na bën të bukur. Kjo është arsyeja pse është e nevojshme të shkojmë përtej veçorive fizike dhe të kuptojmë kompleksitetin e bukurisë. Çdo gjë ka rëndësi.

Kur fillojmë të punojmë për dobësitë tona, tiparet negative fillojnë të zhduken. Të qenit i lirë nga negativiteti sigurisht që mund të ndikojë në mënyrën se si buzëqeshni dhe dukeni në përgjithësi./arbresh.info/