Eurodeputeti bullgar, Angel Xhambasski thotë se qeveria e re bullgare do ta dorëzojë Bullgarinë, në lidhje me qëndrimin që kishte më parë për Maqedoninë.
Xhambaski pohon se kryetari i partisë “Ndryshimet vazhdojnë”, Kiril Petkov, as që i përmend idetë kombëtare, ndërsa planet për Shkupin konsistojnë vetëm në “mbështjelljen e gjithçkaje në një pako të bukur, e cila nuk ka të bëjë fare me realitetin”.
“Është e qartë se çështja më e rëndësishme për ata njerëz është trafiku ajror ndërmjet Shkupit dhe Sofjes. Nuk bëhet fjalë për mbrojtje të fortë të interesave kombëtare bullgare, as propozim për përvetësim mizor të historisë dhe shkelje të përditshme të të drejtave të njeriut”, tha Xhambaski.
Së fundmi, Petkov dhe bashkëkryetari i partisë, Asen Vasilev, treguan për mediat maqedonase planet e tyre për politikën e mëtejshme të Bullgarisë ndaj Maqedonisë. Ata thanë se është e nevojshme të zhvillohen lidhjet e trafikut, si dhe marrëdhëniet ekonomike dhe tregtare midis dy vendeve. Petkov shtoi se kolegu i tij dhe ai duan një qasje të re për zgjidhjen e problemit me Shkupin./Telegrafi/
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...
Ngjarjet e paralajmëruara për sot
Shpërthim me tritol në Shkodër
E pyesin se kur do të pensionohet nga boksi – Joshua impresi...
Von der Leyen premton 10 miliardë euro në ndihmë të rajoneve...