Vazhdon shkëlqimi i tenistes nga Peja, Aja Broqi

12:04 | 15 Nëntor 2021
Lorik Gerbeshi

Tenistja nga Peja, Aja Broqi ka fituar turneun përfundimtar të vitit “Masters A 2021” me çka ka vulosur titullin e tenistes më të mirë në Kosovë.

16-vjeçarja shkëlqeu edhe në Mastersin përfundimtar të Kategorisë A në të cilin triumfoi pa asnjë set të humbur.

Pasi fitoi bindshëm meçet në grupe, Broqi në gjysëmfinale mposhti Forta Morinën me 6/1 dhe 6/2 në sete derisa në finale ishte më e mirë se Blearta Ukëhaxhaj ndaj të cilës triumfoi 6/0 dhe 6/3.

Aja Broqi ka dominuar gjatë vitit 2021 pasi ajo ka siguruar epitetin e tenistes më të mirë në vend edhe në kategorinë U-16 dhe U-18 e po ashtu ka fituar titullin e kampionës së Kosovës në konkurrencën ekipore./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm