Teuta fiton derbin shqiptar ndaj Kamzës

21:19 | 13 Nëntor 2021
Lorik Gerbeshi

Teuta e Durrësit ka shënuar fitore ndaj Kamza Basket me rezultat 102:111 në kuadër të xhiros së katërt të Ligës Unike.

Fillimi i ndeshjes ishte interesant dhe më pas durrësakët krijuan epërsi 9:15 dhe ishin në epërsi të lehtë në çerekun e parë që përfundon 27:30.

Vendasit ishin më të mirë në periudhën e dytë, ku gjatë gjithë kohës ishin në epërsi, ndërsa më e larta ishte 11 pikë, 55:44, por gjashtë pikë radhazi nga Teuta bënë që pjesa e parë të përfundojë 55:50.

Pjesën e dytë, përkatësisht periodën e tretë më mirë e nisën mysafirët, që shkrinë epërsinë e Kamzës dhe e kthyen atë në të mirë të tyre, 74:83, ndërsa rezultati në semafor pas 30 minutash ishte 76:84.

Përkundër tentimeve nga vendasit, Teuta ruajti epërsinë dhe triumfoi me rezultat 102:111.

Te Kamza Basket u dalluan Gerald David me 37 pikë e dhjetë kërcime dhe Abrian Edwards me 24 pikë, kurse te Teuta u dalluan Tamas Bruce me 33 pikë e 14 kërcime dhe Frenki Lilaj me 19 pikë e nëntë kërcime./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm