“Gafa” e Shqipërisë në “Wembley”, kuqezinjët nisën lojën duke harruar portokollin e ndeshjes

17:55 | 13 Nëntor 2021
Lorik Gerbeshi

Shqipëria përsoi humbje të thellë mbrëmjen e djeshme, duke pësuar plot pesë gola ndaj Anglisë, të gjitha të shënuara që në pjesën e parë.

Por, në startin e ndeshjes ka ndodhur një “episode” që është komentuar jo pak nga mediat angleze.

Sipas asaj çfarë shkruan “DailyMail”, kuqezinjët kanë bërë një “gafë”, duke nisur lojën ndërkoqë që lojtarët anglezë ishin ulur në gjunjë për të mbështetur kauzën “Black Lives Matter”.

Gazeta britanike shkon më tej duke pretenduar se lojtarët shqiptarë nuk njihnin protokollin, pasi topi u rikthye në vend dhe të gjithë kuqezinjët u ulën në gjunjë si rivalët e tyre.

Në këtë moment, në tribunat e “Wembley” kanë shpërthyer ovacionet e vërshëllimat, që nuk dihet nëse ishin për Shqipërinë që nuk respektoi protokollin, apo për lojtarët anglezë që u ulën në gjunjë.

Shumë të kujdesshëm anglezët, të cilët edhe pse fituan thellë ndaj Shqipërisë, nuk ngurojnë të merren edhe me detajet më të vogla të kësaj sfide./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm