Organizata Botërore e Shëndetësisë raportoi të mërkurën se vdekjet nga koronavirusi u rritën me 10% në Evropë gjatë javës së kaluar, duke e bërë atë rajonin e vetëm botëror ku rastet dhe vdekjet me COVID-19 janë në rritje të vazhdueshme.
Dhe sipas mediave të huaja, përcjell Telegrafi, kjo ishte java e gjashtë radhazi që rastet janë rritur në të gjithë kontinentin.
Në raportin e saj javor mbi pandeminë, agjencia shëndetësore e OKB-së tha se kishte rreth 3.1 milionë raste të reja globalisht, rreth 1% rritje nga një javë më parë.
Gati dy të tretat e infeksioneve të koronavirusit – 1.9 milion – ishin në Evropë, ku rastet u rritën me 7%.
Vendet me numrin më të lartë të rasteve të reja në mbarë botën ishin Shtetet e Bashkuara, Rusia, Britania, Turqia dhe Gjermania.
Numri i vdekjeve javore nga COVID-19 ra me rreth 4% në mbarë botën dhe ra në çdo rajon përveç Evropës.
Nga 61 vendet që OBSH përfshin në rajonin e saj evropian, i cili përfshin Rusinë dhe shtrihet në Azinë Qendrore, 42% raportuan një rritje të rasteve prej të paktën 10% në javën e fundit.
Në Amerikë, OBSH tha se rastet e reja javore ranë me 5% dhe vdekjet ranë me 14%, me shifrat më të larta të raportuara nga Shtetet e Bashkuara.
Drejtori i OBSH-së për Evropën, Dr. Hans Kluge, tha javën e kaluar se Evropa ishte përsëri “në epiqendrën e pandemisë”.
Ai paralajmëroi se nëse nuk do të ndërmerreshin më shumë veprime për të ndaluar COVID-19, rajoni mund të shihte 500,000 vdekje të tjera deri në shkurt.
Igli Hasani mohon të ketë përplasje mes Edi Ramës dhe Albin ...
Izraeli nis sulme në jug të Libanit
Maqedonci nënshkruan marrëveshje: Turqia do t’i ofroj trajni...
FC Prishtina 01 gati për Main Round, synon suksesin e vitit ...
Arrestohen 13 persona pas një përleshje mes vete në Prishtin...
Policia kërkon ndihmë në kapjen e 34 vjeçarit, i dyshuar për...