Ullinjtë janë të pasur me vitaminë E dhe antioksidantë të tjerë, të cilët mund të ndihmojnë në uljen e rrezikut të kushteve shëndetësore si kanceri, diabeti, goditjet në tru dhe sëmundjet e zemrës.

Substancat antioksidante në ullinj parandalojnë oksidimin e kolesterolit dhe në këtë mënyrë parandalojnë formimin e depozitave në muret e enëve të gjakut. Gjithashtu, ullinjtë përmbajnë yndyrna të tilla, të cilat janë vërtetuar se ulin presionin e lartë të gjakut, transmeton portal arbresh.info

Për shembull, disa studime kanë treguar se ullinjtë mund të mbrojnë kundër osteoporozës, kur eshtrat bëhen më të brishta ose më të dobëta.

Ullinjtë janë një ushqim ideal kur bëhet fjalë për humbjen e peshës. Gjegjësisht, hulumtimet kanë treguar se nëse i zëvendësojmë yndyrnat e ngopura (gjalpë, qumësht, proshutë…) me yndyrna mono të pangopura që gjenden në ullinj, ne inkurajojmë humbjen e peshës.

Përveç kësaj, vaji i ullirit është treguar se shpërndan yndyrën brenda qelizave yndyrore, gjë që inkurajon shkrirjen e yndyrës në stomak dhe redukton ndjeshmërinë ndaj insulinës.

Konsumimi i ullinjve në tërësi ose përdorimi i vajit të ullirit për vakte të caktuara mund të ndihmojë në mbrojtjen kundër problemeve të ndryshme shëndetësore.

Shëndeti i zemrës

Studime të shumta kanë treguar se konsumimi i vajit të ullirit, veçanërisht i varieteteve ekstra të virgjër, mund të zvogëlojë rrezikun e sëmundjeve të zemrës dhe vdekshmërisë tek njerëzit që janë në rrezik të lartë nga kjo gjendje.

Ulja e rrezikut nga kanceri

Ullinjtë përmbajnë përbërësin oleokantal, për të cilin studimet kanë treguar se mund të vrasin qelizat e kancerit. Studime të tjera kanë treguar një lidhje midis konsumimit të vajit të ullirit dhe uljes së rrezikut të kancerit, përfshirë kancerin e gjirit.

Parandalimi i diabetit

Hulumtimet tregojnë një lidhje midis konsumimit të vajit të ullirit dhe parandalimit të diabetit të tipit 2 duke ndihmuar trupin të rregullojë glukozën (sheqerin). Glukoza e parregulluar mund të çojë në zhvillimin e diabetit të tipit 2./arbresh.info/