Google ADS

Bernabeu i ri, dalin pamje të reja spektakolare nga “stadiumi i së ardhmes”

14:09 | 4 Nëntor 2021
Lorik Gerbeshi

Real Madrid po vazhdon punimet për ndërtimin e “Santiago Bernabeu” të ri.

Klubi madrilien ka publikuar detaje të reja të sistemit të vendosjes dhe ruajtjes së barit, që do të jetë një ndër gjërat më spektakolare të këtij stadium, që do të ketë si fushën, ashtu edhe çatinë e lëvizshme.

Në videon e publikuar, tregohet mënyra si do të funksionojë mekanizmi me anë të të cilit bari do largohet ng afusha dhe do futet poshtë saj, për ta ruajtur nga një ndeshje në tjetërn.

Në “guvën” poshtë stadiumit, 35 metra e thellë, do të ruhet bari me kushte të përsosura ajrosjeje, klumatizimi, ndriçimi dhe trajtimi me rreze ultravjollcë.

Jo vetëm kaq, klubi do ta shfrytëzoj hapsirën e fushës edhe kur nuk ka ndeshje.

Terreni do të ketë edhe bar artificial dhe aty do të zhvillohen koncerte, kongrese e evente të ndryshme, deri në basketball e tenis.

Bernabeu i ri do të ketë edhe 5 restorante me pamje nga fusha, që do jenë aktivë gjatë gjithë javës, përfshirë edhe ditën e ndeshjes./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm