Një ngjarje e pazakontë ka ndodhur në Afganistan ku një 9 vjeçare është shitur nga familja si nuse te një 55 vjeçar.

Mediat e huaja bëjnë me dije se në fjalën e saj e mitura Parwana Malik ka thënë se familja e saj është detyruar që ta shesë te një 55 vjeçar, që për të është një plak me vetulla të bardha dhe me mjekër të bardhë e të trashë, derisa thotë se shqetësohet se ai do ta rrahë dhe do ta detyrojë të punojë në shtëpinë e tij, shkruan cnn transmeton arbresh.info

Ndërkohë prindërit e Parwanës thonë se nuk kanë zgjidhje tjetër.

Parwana Malik, nëntëvjeçare, e ka përshkruar burrin si ‘plak’ për shkak të mjekrës dhe vetullave të bardha.

Abdul, i cili është ‘thyer’ nga faji, u përlot teksa i tha Qorbanit: “Kjo është nusja jote, ju lutem kujdesu për të. Ti je përgjegjës tani, të lutem mos e rrah”.

Familja e Parwana tha se ata nuk kishin zgjidhje tjetër dhe janë në mesin e shumë familjeve të varfra që detyrohen të shesin vajzat e tyre të vogla për të mbijetuar, ndërsa Afganistani zhytet më tej në një krizë humanitare.

Një vajzë, 10 vjeçe, i kalon ditët duke qarë ndërsa pret ditën që do t’i shitet një burri 70 vjeçar për të ndihmuar familjen e saj të shlyejë borxhet.

Një familje tjetër prej nëntë anëtarësh po përgatitet të shesë vajzat e tyre katërvjeçare dhe nëntëvjeçare për të pasur para të mjaftueshme për ushqim.

Parwana dhe familja e saj kanë jetuar në një kamp zhvendosjeje afgane në provincën veriperëndimore Badghis për katër vitet e fundit. Ata kanë mbijetuar nga ndihma humanitare dhe puna e cila i fiton rreth 2 funte në ditë. Por që kur talibanët morën Afganistanin në gusht, ekonomia e vendit është në prag të kolapsit dhe ndihma humanitare ndërkombëtare është pezulluar – dhe efektet ndjehen thellësisht nga familjet si ato të Parwanas, të cilët nuk mund të blejnë mallra bazë si ushqimi.

Abdul u detyrua të shiste motrën 12 vjeçare të Parwana muaj më parë për të ndihmuar familjen e tij të mbijetonte.

Parwana tha për CNN: “Babai im më ka shitur sepse nuk kemi bukë, oriz apo miell. Më ka shitur tek një plak”.

Babai i saj Abdul tha se ai është ‘thyer’ nga faji për shitjen e vajzës së tij dhe nuk mund të flejë natën.

Ai tha për gazetën se kishte kërkuar pa sukses për punë dhe kishte marrë para hua nga të afërmit – me gruan e tij që u lut banorëve të tjerë të kampit për ushqim – por asgjë nuk funksionoi.

Abdul, i cili mendonte se nuk kishte zgjidhje tjetër veçse të shiste Parwana për të ndihmuar familjen e tij të mbijetonte, tha: “Ne jemi tetë anëtarë të familjes. Më duhet ta shes për të mbajtur gjallë anëtarët e tjerë të familjes”. /arbresh.info/

Lexo edhe:

Momenti kur afgani shet vajzën e tij 9-vjeçare për martesë te një 55-vjeçar