Epidemiologët sllovenë i kanë sugjeruar qeverisë së tyre që të reagojë urgjentisht ndaj numrit në rritje të infeksioneve dhe shtrimeve në spital.

Ndër propozimet që ata i kanë dhënë qeverisë është bllokimi i plotë për të paktën dhjetë ditë, shkruan agjencia e lajmeve në Slloveni, STA, transmeton portal arbresh.info

Grupi i ekspertëve për Covid-19, i udhëhequr nga epidemiologia Mateja Logar, ka diskutuar tashmë mëngjesin e sotëm me ministren e Shëndetësisë Janez Poklukar, ndërsa pasdite grupi i saj do të takohet edhe me qeverinë për të prezantuar zyrtarisht masat e reja të propozuara.

Sipas “informacioneve jozyrtare por të besueshme”, propozohet një mbyllje e plotë 10-ditore dhe nëse qeveria nuk vendos një gjë të tillë, atëherë propozohen masa të tjera, më të rrepta, duke përfshirë kontrollin e rreptë të zbatimit të lejeve për Covid dhe mbylljen e lokaleve dhe restauranteve pas orën 23:00.

Ndër sugjerimet e epidemiologut janë mbajtja e aktiviteteve sportive pa spektatorë, puna nga shtëpia për sektorin publik dhe grumbullimet me deri në dhjetë persona, të cilët të gjithë duhet të vaksinohen ose të kenë një test negativ.

Sipas të dhënave të reja të qeverisë, aktualisht janë 634 pacientë në spitale dhe 158 prej tyre kanë nevojë për trajtim intensiv, që është barra më e madhe për sistemin spitalor në epideminë e Covida-19 që nga 27 prilli i këtij viti./arbresh.info/