Komisioni i Pavarur i Mediave (KPM) ka mbajtur konferencë për medie në lidhje me prezantimin e “Raportit të monitorimit të Ofrueseve të Shërbimeve Mediale Audio-vizuele gjatë fushatës për zgjedhjet lokale 2021”.
Kryetar i KPM-së, Xhavit Latifi tha se në tërë procesin zgjedhor kanë reaguar konform ligjit për zgjedhje.
Sipas tij, mediet e Kosovës kanë respektuar ligjin duke u bërë konkurrente edhe me mediet e tjera të rajonit.
“Komisioni i Pavarur i Mediave ka reaguar konform ligjit për zgjedhje, e më pas edhe me komunikata ku kemi kërkuar pajtueshmëri me aktet ligjore. Mediet tona në përgjithësi kanë respektuar ligjin dhe kjo i bën ato të jenë konkurrente me mediet e rajonit”, tha ai.
Zëvëndëskryesues i KPM-së, Faruk Rexhaj tha se gjatë monitorimit janë përfshirë 22 shërbime mediale.
Rexhaj tha se gjatë monitorimit kanë pranuar gjithsej 4 ankesa dhe fokusimi i tyre ka qenë në analizën cilësore.
“Gjatë monitorimit janë përfshirë 22 shërbime mediale, prej të cilave tre me mbulim tokësor nacional, 14 me mbulim lokal dhe regjional, pesë që transmetohen përmes operatorit të shpërndarjes. Gjatë periudhës së monitorimit të KPM-së kemi pranuar gjithsej katër ankesa lidhur me fushatën zgjedhore, ku jemi bazuar në analizën sasiore dhe cilësore, e në theks të veçantë lajmet qendrore, kronikat zgjedhore, pikat reklamuese politike si dhe debatet”, tha ai./arbresh.info/
Goditet një laborator i drogës në Prishtinë, Sveçla thotë se...
Islami: E gjithë kjo iniciativë e Serbisë është luftë për do...
Vrasja në Aktash/ Paneli për Lirim me Kusht kishte vendosur ...
Hasani në OKB, pritet firmosja e marrëveshjeve për liberaliz...
Profesori serb: Politika e Millosheviqit është rikthyer në S...
Alarmi taktik i Kurtit për rrezikun e konflikteve nga Serbia