Rreth 70% e popullsisë së botës vuan nga intoleranca ndaj laktozës, sheqerit të qumështit. Në një hulumtim të publikuar së fundmi nga shkencëtarët italianë ka gjetur se cila lloje të djathrave përmbajnë sheqer qumështi dhe mund të hahën lirshëm nga personat që e kanë këtë problem.

Intoleranca ndaj laktozës është një çrregullim shumë i zakonshëm i tretjes, shumë më i zakonshëm sesa mendohej më parë. Njerëzit me këtë çrregullim kanë dispepsi kur pinë qumësht dhe hanë produkte qumështi. Sipas disa vlerësimeve, deri në 70 për qind e popullsisë në botë vuan nga ky problem, transmeton portal arbresh.info

Ky çrregullim është më i dukshëm në Azi dhe Afrikë, dhe disi më pak në Evropë dhe Amerikën e Veriut, ndërsa më së pakti është i pranishëm në Skandinavi.

Si rezultat në tregun botëror është duke u shfaqur një rritje e konsiderueshme e produkteve pa laktozë.

Kur zbulohet intoleranca ndaj laktozës, gabimi më i zakonshëm është eliminimi drastik i të gjitha produkteve të qumështit nga dieta, duke besuar se të gjitha ato përmbajnë laktozë. Megjithatë, është e mundur të shmangni kufizimet e panevojshme dhe të shijoni sërish shijen e tyre. Këtë e konfirmon projekti hulumtues i shkencëtarëve nga Universiteti i Pizës.

Ekspertët italinë hetuan sasitë aktuale të laktozës në djathrat me origjinë të mbrojtur. Vlerësohet se gjysma e popullsisë në Itali ka intolerancë ndaj laktozës. Deri më tani, besohej se vetëm djathrat e vjetër, në të cilët procesi i pjekjes zgjati më shumë se 30 muaj, nuk përmbanin laktozë.

Janë ekzaminuar rreth 30 lloje të djathrave, kryesisht italianë, por edhe disa me origjinë nga vendet tjera evropiane.

Në studim janë përdorur teknikat analitike më të ndjeshme dhe specifike, të cilat janë të gjendje të zbulojnë një përmbajtje të mbetur të laktozës me më pak se 0,001%.

Është përcaktuar se humbja e laktozës në djathë nuk është ekskluzivisht pasojë e procesit të pjekjes, por përcaktohet kryesisht nga veprimi i enzimave laktike, të cilat shndërrohen në acid laktik.

Pjekja, e cila deri tani është konsideruar si shkaktari kryesor i pakësimit të laktozës, zë një vend dytësor dhe roli i saj ripërcaktohet veçanërisht në djathërat e butë. Si përfundim, kjo punë kërkimore ndihmoi në identifikimin e disa djathrave të rinj me origjinë të mbrojtur që nuk përmbajnë laktozë.

Lista e djathrave që kanë kaluar testin dhe kanë më pak se 0,001 laktozë përfshin shumë marka të njohura italiane, si grana padano, parmigiano rediano, pecorino, gorgonzola, etj.

Megjithatë, sipas studimit, nuk duhet të anashkalohet ndryshueshmëria që mund të ndodhë brenda të njejtit djathë me emërtim të mbrojtur të origjinës, që ndikon edhe në përbërjen e tij. Prandaj, do të ishte e nevojshme që çdo djathë të përmbajë një etiketë nëse ka sheqer qumështi në të.

Etiketimi i përmisuar i produkteve pa laktozë është i nevojshëm për të kontrolluar këtë çrregullim shëndetësor, për të shmangur mangësitë ushqyese dhe për të përmbushur nevojat e një segmenti në rritje të konsumatorit, përfundojnë studiuesit italianë./arbresh.info/