Kryetari i Komunës së Gjilanit, Lutfi Haziri, ka thënë se është njoftuar nga rrugë jozyrtare se sipas tij, njësitë ndëshkuese të Qeverisë së Kosovës kanë mbyllur restorante e kafiteri ku tha se kanë ndëshkuar bizneset familjare në ktë komunë pa asnjë arsye të qëndrueshme ligjore.
Haziri tha se këto veprime u morën duke anashkaluar inspekcionin e komunës së Gjilanit dhe kryeshefin ekzekutiv të Komitetit për parandalimin e përhapjes së COVID-19, kryetarin e komunës.
“Ftoj organet e shtetit që në Gjilan të mos sillen me ‘shkopin’ e ligjit, sepse ky vend ka zot shpije dhe ato lokale kanë pronarë”, ka shkruar Haziri në llogarinë e tij në Facebook.
Tutje, Haziri ka kërkuar nga Qeveria e Kosovës që deri nesër në mesditë të largohen të gjitha masat parandaluese që u janë vën sonte sipas tij, lokaleve në këtë komunë.
“Harrojeni që e ngulfatni Gjilanin në zgjedhje sepse s’mund të fitoni me dhunë. I vetmi përfaqësues zyrtar sipas ligjit për emergjenca civile, ku përfshihen edhe institucionet tjera vartëse, në këtë rast edhe në pandemi, është kryetari i Komunës, i cili është kryeshef ekzekutiv, pa autorizimin e të cilit s’mund t’i hapni e mbyllni asnjë lloj biznesi”, është shprehur Haziri.
Më tej, i pari i komunës së Gjilanit tha se kjo komunë ka udhëhequr prej fillimit me masat anti-COVID, por sipas tij, nuk e pranon represionin dhe mbylljen e dhunshme të lokaleve në kohën kur të rinjtë duhet të shfrytëzojnë të drejtën e tyre private.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...