Sot bëhet certifikimi i rezultateve të zgjedhjeve lokale

15:17 | 29 Tetor 2021
A. B.

Komisioni Qendror i Zgjedhjeve (KQZ) ka njoftuar se sot do të bëhet certifikimi i rezultateve përfundimtare të raundit të parë të Zgjedhjeve Lokale.

Sipas njoftimit për media mbledhja ku do të bëhet certifikimi do të mbahet sot në ora 16:30, shkruan arbresh.info

“Ju njoftoj se sot (e premte, 29 tetor, ora 16:30) Komisioni Qendror i Zgjedhjeve mban mbledhjen e radhës ku do të bëhet certifikimi i rezultateve përfundimtare të raundit të parë të Zgjedhjeve Lokale për Kryetarë të Komunave”, thuhet në njoftimin e KQZ-së.

Kujtojmë se nga zgjedhjet e 17 tetorit 21 komuna do të shkojnë në balotazh, ndërsa zgjedhjet të raundit të dytë për kryetar komunash do të mbahen më 14 nëntor. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm