Në Qendrën e Numërimit të Rezultateve sot ka nisur numërimi i votave me kusht dhe votat e personave me nevoja të veçanta.

Sipas rezultateve për Komunën e Istogut, më së shumti vota ka marrë kandidati i LDK-së, Ilir Ferati. Ai mori 131 vota.

Pas tij është Bekë Berisha i AAK-së.

Edhe për kuvend komunal, këto dy parti ishin më të votuara.

Sipas këtyre të dhënave, Smajl Latifi nga Aleanca për Ardhmërinë e Kosovës ka marrë më së shumti vota me kusht.

Latifi mblodhi 120 vota me kusht, duke u renditur para kandidatit të Lëvizjes Vetëvendosje, Visar Korenica, i cili mori 57 vota.

I treti në këtë listë është Burim Krasniqi i Lidhjes Demokratike të Kosovës, i cili mori 34 vota me kusht.

Më poshtë gjeni rezultatet e votave me kusht për kryetarët e komunave dhe për Kuvendin Komunal.

Nga ana tjetër, kandidati nga Iniciativa Qytetare, Xhafer Gashi prinë i pari në listën e rezultateve të votave me kusht për Komunën e Obiliqit me 83 vota.

I dyti i kësaj liste renditet kandidati i Lëvizjes Vetëvendosje, Halil Thaçi me 48 vota.

Ndërkaq Mehmet Krasniqi nga Lidhja Demokratike e Kosovës ka grumbulluar 28 vota, kurse kandidati nga Aleanca për Ardhmërinë e Kosovës, Xhelal Krasniqi ka marrë 17 vota.

Kandidati nga Lista Serbe, Goran Dançetoviq ka marrë 8 vota, Ajet Berisha nga Lëvizja për Bashkim ka grumbulluar 6 vota dhe Hanefi Musliu nga Partia Demokratike ka marrë 4 vota nga grumbullimi i votave me kusht.

Në Mitrovicë, Bedri Hamza nga Partia Demokratike e Kosovës prinë bindshëm edhe me votat me kusht. Hamza ka marrë 417 sosh.

Ai ka lënë mbrapa kandidatin e Lëvizjes Vetëvendosje, kryetarin e deritanishëm të Mitrovicës, Agim Bahtirin i cili mori 295 vota me kusht.

Ndërkaq, në vendin e tretë u rendit Armend Agolli i Lidhjes Demokratike të Kosovës, i cili mblodhi 109 vota me kusht. /arbresh.info/