Juventus shpreh interesim për portierin e Chelseat

16:19 | 24 Tetor 2021
KRG

Juventusi është duke kërkuar një portier të ri, pasi nuk besojnë më në cilësitë e Wojciech Szczesny.

Zonja e Vjetër ka kohë që po kërkon një zëvendësues për portierin polak, por që deri më tani pa sukses.

Sipas asaj që raporton Fichajes, Biankonerët duan ta transferojnë Kepa Arrizabalagan në janar, por operacioni është më i vështirë.

Chelsea mund ta lejojë largimin e gardianit spanjoll vetëm në verën e ardhshme, derisa kanë paguar për të rreth 85 milionë euro te Athletic Bilbao.

Kepa vazhdon të jetë portieri më i shtrenjtë në histori të futbollit, mirëpo nuk po luan rregullisht te The Blues.

Vendin e tij e ka marrë Eduard Mendy, që po impresionon me paraqitjet e tij.

Kështu, Juventusi po synon ta transferojë Kepan dhe Chelsea mund të fitojë 40 milionë euro nga kartoni i tij.

Shpërndaje në rrjete sociale

Lajmet më të lexuara

Të ngjashme

Foto lajm