Prodhuesi amerikan i automjeteve elektrike Tesla arriti të ardhurat dhe fitimin më të mirë ndonjëherë në tremujorin e tretë të këtij viti.
Të ardhurat neto të Tesla-s u rritën me 389 për qind në bazë vjetore në 1.62 miliardë dollarë në korrik-shtator të këtij viti, thuhet në deklaratën e kompanisë.
Kompania regjistroi 13.8 miliardë dollarë të ardhura totale, 57 për qind më shumë në të njëjtën periudhë. Kjo i detyrohet rritjes së dërgesave të automjeteve dhe pjesëve të tjera të biznesit, thuhet më tej.
Fitimi bruto i kompanisë u rrit me 77 për qind në bazë vjetore në 3.7 miliardë dollarë në tremujorin e tretë.
Duke planifikuar të zgjerojë kapacitetin e saj prodhues sa më shpejt që të jetë e mundur, kompania tha se “gjatë një horizonti shumëvjeçar, ne presim të arrijmë një rritje mesatare vjetore prej 50 për qind në dërgesat e automjeteve”, në varësi të kapacitetit të pajisjeve, efikasitetit operacional si dhe kapacitetit dhe stabilitetit të zinxhirit të furnizimit. /AA/
Sarrazin: Kosova rrezikon izolimin për shkak të ndalimit të ...
Maliqi kërkon ndryshimin e udhëzimit administrativ që ndalon...
Kurti takoi përfaqësues të shoqatave të diasporës sonë në Ve...
Edon Zhegrova pushton sërish formacionin e javës në Ligue 1 ...
Samiti për të Ardhmen, Hasani: Shqipëria e përkushtuar ndaj ...
1,367 gjoba të shqiptuara brenda një javë në rajonin e Feriz...