Tre persona janë arrestuar nga Policia e Kosovës, pasi ishin përfshirë në një përleshje që ka ndodhur sot rreth orës 15:30, në rrugën ‘Agim Ramadani” në Prishtinë.

Lajmin për arbresh.info e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Ahmeti bën të ditur se në vendngjarje ishte një zyrtar policor i njësitit special i cili ishte në rroba civile, çka ka quar deri në arrestimin e tre personave si dhe sekuestrimin e një arme të ftoftë / thikë.

Policia ka nisur hetim në lidhje me rrethanat që karakterizojnë ngjarjen.

“Sot rreth orës 15:30, në rrugën “Agim Ramadani” në Prishtinë., ka ndodhur një përleshje fizike, ku janë përfshirë disa  persona.

Ka qenë reagimi i shpejtë i një zyrtari policor të njësitit special (në rroba civile), në vendngjarje  si edhe i zyrtarëve nga stacioni qendra , ai që ka rezultuar me  arrestimin e tre personave të përfshirë në këtë rast, si dhe sekuestrimin e një arme të ftohtë /thikë. Aktualisht  policia ka nisë një hetim lidhur me  rrethanat që karakterizojnë ngjarjen”, ka thënë Ahmeti për arbresh.info/

FOTO:Arkiv