Google ADS

Studentët po vaksinohen më pak: Hapen qendrat e vaksinimit në universitete

23:52 | 11 Tetor 2021
Trina Galanxhi

Auditorët vijojnë të jenë bosh edhe pse 11 tetori ishte përcaktuar si data e hapjes së universiteteve.

Por shtyrja e vitit të ri akademik u vendos pasi në auditore nuk do të pranohen studentët e pavaksinuar edhe kjo javë do të shërbejë për vaksinimin masiv të tyre.

Pranë Fakulteteve ndodhen që prej kësaj të hëne ekipet e mjekëve në pritje të studentëve për t’u vaksinuar por interesi ditën e sotme ishte i ulët. Edhe studentët që janë paraqitur te pikat e vaksinimit shprehen të detyruar për t’u vaksinuar pasi rrezikojnë humbjen e vitit akademik.

Studentë të tjerë vazhdojnë të jenë dyshues në injektimin e vaksinës, duke mos zbatuar vendimin e Ministrisë së Shëndetësisë dhe Arsimit…

Ndërsa ministrja e arsimit Evis Kushi në një status në Facebook u bën thirrje studentëve të pavaksinuar që t’i bashkohen këtij procesi për interesin e përbashkët të rikthimit në normalitet dhe për të ndihmuar vitin akademik./tch/

Shpërndaje në rrjete sociale

Lajmet më të lexuara

Të ngjashme

Foto lajm