Google ADS

Merkel viziton Izraelin, premton se do të vazhdojë bashkëpunimi mes dy shteteve

21:05 | 10 Tetor 2021
Arbresh.info

Kancelarja gjermane Angela Merkel të dielën është shoqëruar nga kryeministri i Izraelit, Naftali Bennett, për të vizituar memorialin e holokaustit ” Yad Vashem”.

Kjo është vizita e fundit e Merkel si kancelare në Izrael, shkruan Euronews.

Gjermania nën drejtimin e Merkelit është partneri më i madh tregtar evropian i Izraelit. Ajo i ka premtuar Bennett-it se pasardhësit e saj do të vazhdojnë këtë traditë ndaj këtij shteti, duke shtuar se duhet të kenë vigjilencë për këtë.

“Ne e dimë se antisemitizmi është në rritje ditëve të sotshme në Gjermani. Unë e kam bërë edhe një herë të qartë këtu në emër të të gjithë Qeverisë Federale se ne do të mbrohemi me vendosmëri kundër të gjitha manifestimeve të antisemitizmit”,ka thënë Merkel në një intervistë për media.

Bennett e ka falënderuar atë për bashkëpunimin e treguar.

“Ju jeni duke lënë pas marrëdhënie të mira mes Gjermanisë dhe Izraelit”,ka thënë Bennett para mediave. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm