Dy turistë të Belgjikës që humbën në Tropojë i shpëton policia

19:15 | 10 Tetor 2021
Arbresh.info

Policia i shpëton dy turistë të Belgjikës që humbën në Tropojë

Policia e Shqipërisë i ka ndihmuar dy turistë të Belgjikës të cilët kishin humbur rrugën në Tropojë.

Në njoftimin e Policisë thuhet se sy turistët nga Belgjika duke eksploruar natyrën në zonën e Lekbibaj, kanë humbur rrugën në një zonë të thellë, shkruan KK.

“Duke u munduar për të dalë nga terreni i vështirë, 25-vjeçari është dëmtuar në këmbë. Turistët kanë njoftuar Policinë dhe kanë kërkuar ndihmë, pasi 25-vjeçari nuk ecte dot për shkak të dëmtimeve që kishte marrë në këmbë”.

“Menjëherë kanë nisur kërkimet nga shërbimet e Komisariatit të Policisë Tropojë dhe pas disa orë kërkimesh është bërë e mundur gjetja e dy turistëve, në vendin e quajtur “Stakaj”.Turistët janë transportuar me ambulancë në spitalin e Tropojës dhe ndodhen jashtë rrezikut për jetën. Turistët belg kanë falënderuar punonjësit e Policisë që i erdhën në ndihmë”, thuhet në njoftim. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm