Në banesën e 30 vjeçarit gjendet një arsenal armësh dhe veshje policie

17:01 | 10 Tetor 2021
Arbresh.info

Arsenal armësh është gjetur në banesën e një 30-vjeçari në Vlorë, gjatë kontrolleve të uniformave blu.

Në banesën e Adem Aliaj Idrizaj janë gjetur dhe sekuestruar 2 automatik njëri prej të cilëve me silenciator, 1 pistoletë, 6 karikatorë me fishekë, 2 jelekë dhe 2 kapele policie, shkruan Tv Klan.

Armët u gjetën në shtëpinë e tij në fshatin Mallkeq. Në momentin e kontrolleve, 30-vjeçari nuk ndodhej në banesë. Ai është shpallur në kërkim.

Në aksion morën pjesë forcat e Policisë së Vlorës dhe Forcat Operacionale.

Materialet i kaluan Prokurorisë së Rrethit Vlorë për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Mbajtja pa të drejtë e uniformës”. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm