Presidenti francez, Emmanuel Macron, gjatë samitit të zhvilluar të premtën ka deklaruar se vendi i tij “nuk ka qëllim të qëndrojë në Mali për një kohë të gjatë”.
Samiti Afrikë-Francë u mbajt në Montpellier, ku të rinjtë afrikanë morën pjesë pa përfshirjen e krerëve të shteteve të vendeve afrikane, transmeton portal arbresh.info
Macron, presidenti i vetëm në samit, tha se ai dëshiron të mbyllë bazat ushtarake në Mali sa më shpejt të jetë e mundur, por duhet të ketë “projekte shtetërore të forta” dhe “investime”, dhe qëllimi i tij nuk është të ketë baza në tokën afrikane përgjithmonë.
Macron theksoi se Franca është në Afrikë për të luftuar terrorizmin, dhe jo për të mbështetur ndonjë regjim.
Macron, i cili tha se ushtria franceze është në Mali me kërkesë të qeverisë Maliane, u tha qeverive afrikane se Franca po zvogëlon mbështetjen në drejtim të investimeve dhe Parisi dëshiron të kryejë projekte me shoqërinë civile.
Kryeministri i Malit, Choguel Kokalla Maiga, akuzoi Francën, e cila vendosi të tërhiqej nga Mali, se veproi në mënyrë të njëanshme kur u ngritën akuzat se kompania ruse e sigurisë, Ëagner, do të ishte e vendosur në vend.
Macron, megjithatë, u trondit nga komentet e Maiga, duke deklaruar se “këto deklarata të turpshme nga një vend ku ka pasur dy grusht shteti të njëpasnjëshëm, ku nuk ka as qeveri, janë të papranueshme”.
“Ne jemi në Mali me kërkesë të shtetit. Pa Francën, Mali do të kishte rënë në duart e terroristëve”, tha Macron./arbresh.info/
Izraeli nis hetimet pasi ushtarët e tij u filmuan duke hedhu...
Maqedonci krenar dhe i emocionuar me betimin e 20 kadetëve t...
Prishtina merr fitore të madhe ndaj Dukagjinit
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...
Kryesia e Kuvendit të Kosovës do të mblidhet të hënën