Vidhte paratë e pacientëve të vdekur nga COVID-19, dënohet me 5 vite burg infermierja e Spitalit Infektiv në Tiranë

14:03 | 5 Tetor 2021
V. S.

Gjykata e Tiranës dënoi me 5 vite burg Ronida Hysën, infermieren e Infektivit të akuzuar për vjedhjen e parave të një pacienti të vdekur nga COVID-19.

Për shkak të gjykimit të shkurtuar, dënimi i saj është ulur në 4 vjet e 4 muaj burg.

Infermierja e Spitalit Infektiv u arrestua në janar 2021 pasi u denoncua nga djali i personit që ndërroi jetë nga COVID-19.

Hysa u denoncua nga 25-vjeçari me inicialet F. D., djali i një pacienti me inicialet K. C., 58-vjeç, i cili ishte i shtruar në spitalin e Infektit ku dhe ndërroi jetë.

I riu fillimisht kishte denoncuar në polici se babait të ndjerë i kishin vjedhur paratë që kishte në portofol, karta e kreditit e më pas janë zbuluar të gjitha tërheqjet që infermierja bëri në bankomat në disa zona të kryeqytetit. /Shekulli/

Shpërndaje në rrjete sociale

Lajmet më të lexuara

Të ngjashme

Foto lajm