Rrëzimi për 6 orë i Facebook dhe i dy kompanive të tjera në varësi të saj, WhatsApp dhe Instagram, i ka shkaktuar humbje të mëdha financiare themeluesit Mark Zuckerberg.
Aksionet e tij humbën 4.8% të vlerës, duke i shkaktuar Zuckerberg një humbje prej 5.9 miliardë Dollarë. Pasuria e tij tashmë është 117 miliardë Dollarë në total. Mark Zuckerberg është personi i gjashtë më i pasur në botë, raporton Forbes.
Aksionet e Facebook pësuan rënie dhe besimi i investitorëve u dobësua nga mosfunksionimi që zgjati për 6 orë duke nxjerrë tërësisht jashtë funksionit në të gjithë botën rrjetet sociale Facebook, WhatsApp dhe Instagram.
Një gabim në konfigurimet e sistemeve të brendshme të rrjeteve sociale i kushtoi kompanisë dhjetra miliona Dollarë humbje.
Një ndërprerje të tillë, Facebook e pësoi në vitin 2019, kur rrjeti u mbyll për 14 orë. Por edhe pse gjatë viteve të fundit Facebook është përballur me shumë kritika, çuditërisht aksionet e kësaj kompanie janë provuar të qëndrueshme. /tvklan.al
Pacolli shtyen presidencën që të loboj më shumë në shtetet a...
S`ka fitues në derbin e Madridit
Cikloni “John” godet Meksikën, shkon në 24 numri i viktimave
Nuk është Italia dhe as Spanja/ Ju prezantojmë me vendin e t...
Disa Lamborghini dhe vetura të tjera ‘të humbura prej kohësh...
Kuriozitete! Faktet që nuk dimë për muajin shtator