Google ADS

Bonucci për Ronaldon: “Vetëm të stërviteshe me të, të jepte diçka plus”

13:45 | 2 Tetor 2021
Arbresh.info

Leonardo Bonucci, mbrojtësi i Juventusit, ka folur për impaktin që Cristiano Ronaldo ka patur te bardhezinjtë.

Veç të mirave, ka pasur edhe diçka negative dhe kampioni i Europës nuk fshihet.

“Prania e Cristianos kishte një ndikim të madh tek ne. Vetëm të stërviteshe me të të jepte diçka plus. Në mënyrë të pandërgjegjshme lojtarët filluan të mendojnë se prania e tij ishte e mjaftueshme të fitonim ndeshjet. Ramë pak në punën tonë të përditshme, te pjesa e përulësisë, sakrificës, dëshirës për të qenë gati për shokun e skuadrës ditë pas dite”, tha ai.

“Gjatë viteve të fundit mund ta shikoni këtë. Ndoshta u mor e mirëqenë se nëse i japim topin Cristianos, do i fitonte ndeshjen për ne. Cristiano kishte nevojë për ekipin aq sa ne kishim nevojë për të. Duhet të  ketë një kompromis që është ekipi ai që ngre individin, edhe nëse ai individualisht është lojtari më i mirë në planet”, është shprehur Bonucci në intervistën e dhënë për “The Athletic”. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm