Kryeministri Kurti priti në takim Sekretarin Parlamentar Shtetëror në Ministrinë Federale të Mbrojtjes së Gjermanisë, Thomas Silberhorn.
Marrëdhëniet e veçanta ndërmjet Republikës së Kosovës dhe Republikës Federale të Gjermanisë u vlerësuan në takimin e sotëm ndërmjet Kryeministrit të Republikës së Kosovës, Albin Kurti dhe Sekretarit Parlamentar Shtetëror në Ministrinë Federale të Mbrojtjes së Gjermanisë, Thomas Silberhorn, shkruan arbresh.info.
Kryeministri Kurti e falënderoi Siberhorn për mbështetjen në procesin e integrimit të Kosovës në strukturat europiane dhe euroatlantike, shkruan arbresh.info.
Gjithashtu theksoi rëndësinë e përkrahjes gjermane në qëllimin për t’u bërë anëtar në forumin rajonal A5 dhe në programin e Partneritetit për paqen.
U diskutua për rolin e Forcës së Sigurisë së Kosovës, si një forcë profesionale e moderne dhe ofruese e sigurisë, si edhe për misionin e saj jashtë vendit në bashkëpunim me SHBA-në.
Në takim u bisedua edhe për mbarëvajtjen e operacionit të evakuimit të qytetarëve afganë të udhëhequr nga NATO.
Lidhur me gjendjen në pikat kufitare 1 dhe 31, Bërnjak dhe Jarinje, kryeministri tha se vendimi për targat nuk ka qenë i drejtuar kundër qytetarëve serb të Kosovës e as kundër ndokujt tjetër.
Kryeministri ritheksoi punën korrekte dhe pa asnjë incident të Policisë së Republikës së Kosovës, përgjatë këtyre ditëve të angazhimit për sigurimin e mbarëvajtjes së zbatimit të vendimit për targat./arbresh.info/
Shënohet 25-vjetori i bashkëpunimit mes Kosovës dhe Gjermani...
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...