Kryeministri i Kosovës, Albin Kurti, ka reaguar pas marrëveshjes për targat të arritur në Bruksel.
Ai ka thënë se Njësia Speciale e Kosovës, s’ka arsye të qëndrojë më atje, por do të jenë të gatshëm për çfarë do cenimi të njëjtë apo të ngjashëm.
Kuri ka thënë se tash Serbia nis e mësohet me reciprocitet.
Postimi i plotë:
Reciprociteti i targave të automjeteve është vendosur. Meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tonë.
Njësia Speciale e Policisë së Kosovës ka shkuar në Jarinje dhe Bërnjak më 20 shtator për të mbrojtur vendkalimet dhe policinë kufitare nga bllokuesit e rrugëve dhe qarkullimit të lirë.
Meqë ata do të largohen, njësia jonë speciale nuk ka pse qëndron atje, dhe mbetet gjithnjë e gatshme për ndërhyrje në çfarëdo cenimi të njëjtë apo të ngjashëm në të ardhmen.
Natyrisht, policia jonë kufitare në vijim do të zbatojë reciprocitetin e targave. KFOR-i do të qëndrojë aty, rreth dy javë, që gjithçka të jetë e sigurt.
Në javën e shkuar, Presidenti i Serbisë vuri katër kushte për takimin në Bruksel të përfaqësuesve tanë. Natyrisht që nuk ju plotësuan ato dhe dje u zhvilluan bisedimet në Bruksel. Tash fillon epoka kur Serbia nis e mësohet me reciprocitet.
Sulmet izraelite vrasin 29 njerëz në Gazë, teksa Hamasi hedh...
Rreth 2 mijë të vrarë në Liban nga konflikti mes Izraelit dh...
Moti i keq me intensitet të lartë të reshjeve, mobilizon Shq...
Rriten importet e makinave kineze në Afrikën e Jugut
Trajneri i Liverpoolit pranon se ka ‘vendim për të marrë’ pë...
Rritet kostoja e jetesës në Shqipëri, sa shpenzon mesatarish...