Njerëzit që kanë depresion në moshën e rritur të hershme janë në rrezik më të madh për t’u prekur nga demencia më vonë në jetë, zbulon një studim i ri.

Studiuesit nga Universiteti i Kalifornisë, San Francisko kanë hulumtuar më shumë se 15 mijë pjesëmarrës në studimin e tyre, duke i studiuar ata në faza të ndryshme të jetës, transmeton portal arbresh.info

Studimi gjeti se ata që përjetonin simptoma depresive në të 20-at, kishin 75 përqind më shumë gjasa që të prekeshin nga semundjen mentale në pleqëri.

“Në përgjithësi, ne zbuluam se sa më të mëdha të ishin simptomat depresive, aq më e ulët ishte njohja dhe aq më të larta ishin normat e rënies,” tha autori i parë Dr Ëilla Brenoëitz, nga Departamenti i Psikiatrisë dhe Shkencës gjatë një konference për shtyp.

Pagjumësia, ankthi dhe depresioni shumë të përhapura gjatë fazës së parë të pandemisë COVID-19

Për studimin, botuar në Journal of Alzheimer Disease, ekipi rekrutoi rreth 15,000 vullnetarë midis moshave 20 dhe 89.

Pjesëmarrësit u ndanë në tre faza të jetës-të rriturit e rinj (mosha 20-49 vjeç), mosha e mesme (mosha 50-69 vjeç) dhe më të vjetër (mosha 70-89 vjeç)-dhe u kontrolluan për depresion.

Kjo trajektore ndihmon ekipin të bëjë një vlerësim të gjendjes së shëndetit mendor të të rriturve të moshuar me demencë kur ata ishin më të vegjël.

Shkencëtarët përfshinë edhe faktorët tjerë që kanë ndikim në gjendjën shpirtërore, si seksi, raca dhe pirja e duhanit.

Hulumtimet teorizojnë se njerëzit me depresion kanë një numër të lartë të hormoneve të stresit, të cilat mund të dëmtojnë aftësinë për të formuar kujtime të reja.

Sipas studimeve, më shumë se 20 përqind e amerikanëve vuajnë nga depresioni./arbresh.info/