Google ADS

Shkolla e mbyllur, nxënësit në Karaçevë nuk fillojnë vitin shkollor

09:57 | 27 Shtator 2021
V. S.

100 nxënësit e fshatit Karaçevë e Poshtme në Komunën e Kamenicës, nuk kanë filluar sot mësimin në shkollën e tyre, “ Asllan Thaçi”.

Dyert e mbyllura të shkollës dhe fëmijët se bashku më prindër në oborrin  saj janë pamjet që banoret e këtij fshati kanë dërguar fotot në redaksinëArbresh.info.

Selver Lenjani, përfaqësues i bashkësisë lokale në këtë fshat përmes një letre drejtuar presidentes së vendit, Vjosa Osmani, ka kërkuar shpjegim pse kjo shkollë ka mbetur e mbyllur sipas tyre më kërkesë të kryetarit aktual të Kamenicës, Qëndron Kastarti e Ministres Arbërine Nagavci dhe nuk është hapur sot ashtu siç të gjitha shkollat  tjera në Kosovë.

Ndryshe nxënësit e brezit kufitarë në Kamenicë,  fat të ngjashëm kanë pasur edhe vitin e kaluar.

Arsye për mbylljen e disa shkollave në këtë pjesë,  sipas Kastrati është numri i vogël i nxënëseve por që kjo është kundërshtuar në vazhdimësi nga prindërit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm