Google ADS

Pagesat për tabelat nga shqiptarët e Luginës do të kthehen si donacion

17:47 | 22 Shtator 2021
Përparim Bublaku

Të gjitha pagesat për tabletat e përkohshme RKS që bëhen nga shqiptarët e Luginës së Preshevës, do të kthehen si donacion nga Qeveria e Kosovës për komunat e Luginës së Preshevës.

Këtë e ka bërë të ditur Ilir Kërçeli, shefi i kabinetit të Kryetarit të Kuvendit të Kosovës Glauk Konjufca, përmes një postimi në Facebook.

“Të gjitha mjetet të cilat mblidhen nga pagesat e tabelave nga familjet shqiptare nga Lugina e Preshevës, do kthehen donacion për Luginën”, tha shkruar Kërçeli.

Pas hyrjes në fuqi të vendimit të qeverisë së Kosovës për zbatimin e reciprocitetit për targat e automjeteve, asnjë makinë e regjistruar në Serbi nuk mund të qarkullojë në territorin e Kosovës pa vendosur targat provizore të cilat kushtojnë 5 euro me vlefshmëri prej 60 ditësh./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm