Qendra Korrektuese Dubravë ka parandaluar kontrabandimin e lëndëve narkotike brenda burgut.

Gjatë vizitës që i ishte bërë, njërit nga të burgosurit i ishin sjellë një palë atlete sportive, por ato nuk ishin veç atlete, brenda tyre gjendej edhe një sasi e lëndës narkotike të llojit marihuanë, shkruan arbresh.info.

Sipas njoftimit të Shërbimit Korrektues të Kosovës (SHKK), ndaj të burgosurit të cilit i ishin sjell këto atlete është iniciuar procedurë disiplinore.

“ Gjatë bastisjes së një pakoje të ardhur për një të burgosur, stafi për siguri ka identifikuar pakon e dyshuar, me ç` rast ka zbuluar se brenda pakos në mënyrë të kamufluar brenda atleteve sportive është gjetur substancë e dyshuar narkotike. I burgosuri ndaj të cilit ka qenë e dedikuar pakoja për të është veçuar dhe ndaj tij është iniciuar procedurë disiplinore. Lidhur me rastin është njoftuar edhe policia e Kosovës”, thuhet në njoftim./arbresh.info/

Njoftimi i plotë:

Sot në Qendrën e Korrektuese Dubravë, oficerët korrektues kanë arritur të parandalojnë futjen e kontrabandës brenda kësaj qendre.
Gjatë bastisjes së një pakoje të ardhur për një të burgosur, stafi për siguri ka identifikuar pakon e dyshuar, me ç` rast ka zbuluar se brenda pakos në mënyrë të kamufluar brenda atleteve sportive është gjetur substancë e dyshuar narkotike.
I burgosuri ndaj të cilit ka qenë e dedikuar pakoja për të është veçuar dhe ndaj tij është iniciuar procedurë disiplinore. Lidhur me rastin është njoftuar edhe policia e Kosovës.
Shërbimi Korrektues i Kosovës mbetet i përkushtuar në luftimin kontrabandës brenda institucioneve korrektuese dhe asnjëherë nuk do të qëndrojë duarkryq përballë këtyre dukurive negative të cilat rrezikojnë rendin dhe sigurinë e saj.