Ministrja e Punëve të Jashtme dhe Diasporës, Donika Gërvalla, ka pritur sot në takim shefin e ri të Zyrës Diplomatike të Belgjikës në Kosovë, Julien Sassel, të cilin e uroi për marrjen e detyrës së re.
Së bashku diskutuan mundësitë e thellimit të bashkëpunimit dypalësh në fusha me interes të përbashkët duke u fokusuar në ekonomi dhe tregti.
Ministrja Gërvalla theksoi përkushtimin e Qeverisë së re për të krijuar klimën e përshtatshme për tërheqjen e investitorëve të huaj dhe në këtë pikë diskutuan për storiet e suksesit të bashkëpunimit tregtar mes Kosovës dhe Belgjikës, dhe rëndësinë e promovimit të tyre me qëllim të krijimit të mundësive të reja.
Po ashtu u theksua edhe nevoja e finalizimit të marrëveshjeve bilaterale të cilat janë duke u diskutuar mes dy shteteve.
Tutje ministrja Gërvalla foli për prioritetet e politikës së jashtme dhe zhvillimet aktuale në vend. Me këtë rast, palët diskutuan edhe për çështje rajonale dhe për rrugëtimin e Kosovës drejt BE-së.
Nga ana e tij Sassel theksoi se Belgjika do të vazhdojë të përkrahë Kosovën në rrugën e integrimit euro-atlantik./arbresh.info/
Moti sot me diell dhe pjesërisht i vranët
Turki Alalshikh ka gjetur kundërshtarin e radhës për Daniel ...
Kriza në Lindjen e Mesme, Blinken: Izraeli ka të drejtë të m...
Rama në OKB: Kosova, realitet i pakthyeshëm ndërkombëtar
Kurti u takua me kryeministrin e Kroacisë, diskutuan për rap...
Ushtria izraelite urdhëron banorët në disa zona të Bejrutit ...