Krasniqi pas takimit me Lajçak: Dialogu të përfundojë më njohje reciproke

12:33 | 16 Shtator 2021
V. S.

PDK-ja është partia e vetme që ka platformën për dialogun me vija të kuqe që janë të padiskutueshme, kështu tha kryetari i kësaj partie, Memli Krasniqi, pas takimit me emisarin special të BE-së për dialogun Kosovë-Serbi, Miroslav Lajçak.

Krasniqi tha se është e rëndësishme që dialogu të përfundojë me njohjen e shtetit të Kosovës nga Serbia.

“Unë u njoftova për krejt procesin dhe i shpreha qëndrimet e PDK-së në këtë proces, për neve është e rëndësishme që dialogu të ketë epilogun e vet dhe kërkesa jonë është që të përfundojë sa më shpejtë dhe të sjellë njohjen e Kosovës si shtet I pavarur nga ana e Serbisë pa cenuar asnjë nga elementet dhe themelet e Kushtetutës së Kosovës, PDK-ja është partia e vetme që ka platformën e vet për dialogun për vijat e kuqe që janë të padiskutueshme dhe ne i qëndrojmë kësaj platforme besnike”./EO/

Shpërndaje në rrjete sociale

Lajmet më të lexuara

Të ngjashme

Foto lajm