Greqia regjistron 2,400 të infektuar dhe 37 humbje jete në 24 orë

20:54 | 15 Shtator 2021
Trina Galanxhi

Në 24 orët e fundit Greqia ka regjistruar 2,422 raste pozitive me koronavirus si dhe 37 humbje jete.

Sipas autoriteteve të shëndetit në vend, nga të infektuarit e sotëm, gjashtë u konfirmuan në pikat hyrëse të vendit kurse numri total i të infektuarve shkon në 622,761. Prej tyre, 51.0% janë meshkuj.

Kurse, nga rastet e konfirmuara në shtatë ditët e fundit, 135 të infektuar kishin udhëtuar jashtë kurse 2,607 të tjerë ishin raste kontakti. Numri total i viktimave që nga fillimi i pandemisë në vend ka shkuar tashmë në 14,311. Prej tyre, 95.4% kishin sëmundje shoqëruese dhe/ose ishin mbi 70 vjeç.

Numri i pacientëve që marrin shërbim mjekësor në njësitë e kujdesit intensiv është 364 (64.8% meshkuj). Mosha mesatare e tyre është 64 vjeç dhe 81.0% kanë sëmundje shoqëruese dhe/ose janë mbi 70 vjeç./alsat/

 

Shpërndaje në rrjete sociale

Lajmet më të lexuara

Të ngjashme

Foto lajm