Google ADS

Përkrahësit e Navalny-t bëjnë thirrje që të votohet Partia Komuniste

13:26 | 15 Shtator 2021
A. B.

Përkrahësit e opozitarit rus, Alexei Navalny, sot e (mërkurë) u bënë thirrje rusëve që ta votojnë Partinë Komuniste në zgjedhjet parlamentare që mbahen këtë javë.

Arsyeja është që të dëmtohet partia “Rusia e Bashkuar” e presidentit Putin, shkruan Reuters transmeton arbresh.info

Rrjeti i Navalny-t ka e ka organizuar të ashtuquajturën fushatë e votimit të mençur me qëllim të grumbullimit të votave të rusëve që janë kundër partisë në pushtet, e cila tash për tash i ka tri të katërtat e ulëseve në Dhomën e Ulët të Kuvendit dhe e mbizotëron jetën politike në Rusi.

Kjo nismë është një ndër mjetet e pakta që i kanë mbetur opozitës në Rusi. Figura kryesore opozitare, Alexei Navalny, është burgosur, ndërsa lëvizja e tij është kategorizuar si terroriste pak para zgjedhjeve.

Shumica e kandidatëve që e gëzojnë përkrahjen e aleatëve të Navalny-t janë pjesë e Partisë Komuniste, e dyta më e popullarizuar në Rusi. Ajo ka 43 deputetë në legjislaturën me 450 ulëse. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm