Presidenti i Napolit De Laurentiis propozon ligë të re evropiane

11:22 | 15 Shtator 2021
KRG

Ndërkohë që UEFA vijon ende betejën për me tre klubet që këmbëngulin ende për krijimin e Superligës, një tjetër ide është hedhur për një kompeticion të ri, që gjithashtu synon pavarësinë nga qeveria europiane e futbollit.

Këtë herë ka qenë presidenti i Napolit, Aurelio De Laurentiis, që në prag të transfertës ndaj Leicesterit, ka zbuluar për mediat angleze një projekt që do të sjellë rreth 10 miliardë euro në vit për klubet dhe që synon kualifikimin mbi bazën e meritës.

“Aktualisht kam në dorë një projekt që synon të sjellë 10 miliardë euro në vit dhe që kualifikueset do t’i ketë mbi bazën e meritës, por që të aplikohet, synohet pavarësi e plotë nga UEFA. E vërteta është që duhet të ndryshojmë, pasi për të garuar në Europë duhen shpenzime të mëdha dhe përfitimet nga pjesëmarrja në Champions apo Europa League, janë të papërfillshme. Kjo tregon se sistemi aktual ka dështuar”, deklaroi De Laurentiis.

Shpërndaje në rrjete sociale

Lajmet më të lexuara

Të ngjashme

Foto lajm