Deputeti shqiptar në Malin e Zi, Genc Nimanbegu, shprehet se ngjarjet e fundit në Cetinë rrezikonin ta fusnin vendin në një luftë civile.
“Kishte rrezik për inicimin e një lufte civile. Qeveria duhet të evitojë këtë rrezik dhe kjo qeveri ka treguar se nuk ka qenë e aftë”, tha ai duke shtuar se “Evropa dhe rajoni nuk po e kupton realitetin në Malin e Zi”.
Nimanbegu në Euronews theksoi se “minoriteti serb në Malin e Zi po radikalizohet me bekimin e Vuçiqit”, ndërsa shtoi se në qeverinë e vendit ka ministra që mohojnë njohjen e Kosovës.
Për zëvendëskryeministrin Dritan Avbazoviq ai tha se është “demagog dhe populist”.
“Qeveria ku bën pjesë Abazoviq me qëllime të mira po e zhyt Malin e Zi në një lloj kaosi”, tha deputeti shqiptar.
Përveç rrezikut nga përplasjet ndëretnike, Nimanbegu tha se “qeveria është e paqëndrueshme dhe i ka bërë një dëm ekonomik” Malit të Zi.
Deputeti shqiptar tha se në qeveri “nuk ka politikanë me eksperiencë” dhe se “një pjesë e ministrave janë propozuar nga vetë kisha”. Ai shtoi se sheh mundësinë e mbajtjes së zgjedhjeve gjatë vitit 2022./ Euronews.al
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...