Agjencia Rregullatore e Barnave dhe Produkteve të Kujdesit Shëndetësor në Mbretërinë e Bashkuar (MHRA) dha miratimin urgjent që vaksinat Pfizer dhe AstraZeneca kundër koronavirusit të përdoren si injeksione të treta përforcuese pas shqetësimeve për rënien e mbrojtjes imunitare.
“Jemi të përkushtuar për të marrë vaksina të sigurta dhe efektive për COVID-19 për publikun në Mbretërinë e Bashkuar. Kjo do të thotë të siguroheni që vaksinat ekzistuese të COVID-19 mund të vazhdojnë të përdoren në mënyrën më efektive të mundshme”, tha në një deklaratë Dr. June Raine, shefja ekzekutive e MHRA-së.
“Ne e dimë se imuniteti i një personi mund të bjerë me kalimin e kohës pas kursit të parë të vaksinës. Unë jam i kënaqur të konfirmoj që vaksinat kundër COVID-19 të prodhuara nga Pfizer dhe AstraZeneca mund të përdoren si doza përforcuese të sigurta dhe efektive. Ky është një ndryshim i rëndësishëm rregullator pasi jep mundësi të mëtejshme për programin e vaksinimit, i cili ka shpëtuar mijëra jetë deri më tani”, shtoi Raine.
Njoftimi nga MHRA u bë pas një studimi të vaksinave përforcuese që analizon ndikimin e vaksinave të ndryshme për dozat e treta të mundshma./AA/
Osmani nderon Walkerin me Urdhrin e Lirisë & Pavarësisë
“Kurti u pajtua me skandalet dhe dështimet e ministrave të t...
Kthehen mbrapsht emigrantët, mbërrin në Shëngjin anija itali...
Kroos tregon tre lojtarët që e meritojnë ta fitojnë Topin e ...
Izraeli do ta ketë të pamundur ta eliminojë, kush mund të je...
Këta janë banorët që u bënë pjesë e Big Brother Vip Kosova 3